Góð hönnun þýðir raunhæfar lausnir og gott samstarf við viðskiptavini okkar þar sem öllum hugmyndum er tekið fagnandi.
Við skiptumst á skoðunum við viðskiptavini okkar, deilum víðtækri þekkingu og hvetjum til góðra verka. Port hönnun leggur áherslu á einfalda og skýra hönnun en jafnframt eilítið framsækna þegar það á við.
Við vinnum náið með öflugum samstarfsaðilum eftir þörfum hvers verkefnis, þar með talið ljósmyndurum, textagerðarfólki, þrívíddarhönnuðum, verkefnastjórum og prentsmiðjum.
Edda V. Sigurðardóttir- sendu mér póst Hönnunar- og framkvæmdastjóri
Edda starfaði sem yfirhönnuður hjá bókaútgáfunni Houghton Mifflin Publishing í Boston um árabil og síðar sem framkvæmdastjóri hönnunarsviðs hjá bandaríska hönnunar- og útgáfufyrirtækinu Mazer Creative Services.
Edda er grafískur hönnuður frá Myndlista- og handíðaskóla Íslands og hefur auk þess MA-gráðu í auglýsingahönnun frá Syracuse-háskóla.
Edda hefur skapað sér virðingu og viðurkenningu fyrir störf sín að grafískri hönnun í erfiðu og krefjandi markaðsumhverfi, og unnið til verðlauna hér heima og erlendis. Edda nýtur alls þess sem lífið hefur upp á að bjóða eins og gönguferðir um náttúru Íslands og samveru við fjölskyldu og góða vini.
Kári nam grafíska hönnun í Danmörku og útskrifaðist með MA-gráðu frá Danmarks Designskole árið 2008. Þar á undan sótti hann nám í Margmiðlunarskólanum í Reykjavík.
Kári setti stefnuna ungur á nám í grafískri hönnun og sér ekki eftir því. Honum gekk vel í skólanum og þakkar Dönum fyrir að hafa haft óbilandi trú á sér.
Kári er mikið ljúfmenni; hann hefur sterkar skoðanir á hlutunum en er einstaklega laginn við að koma þeim á framfæri. Kári er hamingjusamlega giftur og eiga þau hjónakornin eina dóttur og tvíbura drengi.
PORT hönnun er lítil en framsækin hönnunarstofa sem býður viðskiptavinum sínum alla almenna grafíska hönnun. Hjá okkur er fagmennskan í fyrirrúmi. Má bjóða þér að skoða verkefnin okkar hér fyrir neðan?